ခေါင်းတိုင်သရဲကြီး

ကျွန်မမှာတော့ ကြောက်လွန်းလို့ အသားတွေတောင် တစ်ဆက်ဆက်တုန်လို့။ ဒါကို အဖေက ဆူချင်သေးတယ်။ ကျွန်မ အမှားဘာပါလို့လဲ။ အိမ်မှာလဲ လူတွေကို စည်နေလိုက်တာ နည်းတာမဟုတ်ဘူး။ အချိန်က ည၁၀နာရီ၊ လရောင်ကအရမ်းသာနေပေမဲ့လဲ လက်နှိပ်ဓါတ်မီးတွေ တ၀င်းဝင်းနဲ့ အိမ်ပတ်ချာလည်မှာ ရှာနေကြတာ။
.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'
ဖြစ်ပုံက ဒီလို။
ကွန်မတို့ စက်ရုံလေးထဲမှာ ည ၇နာရီလောက်ကစပြီး ကလေးတွေစုပြီး စက်ရုံမိန်းလမ်းမကြီးပေါ် ထွက်ကစားတက်ကြတယ်။ မြ၀တီက ည ၉နာရီခွဲကားလာမှလူစုခွဲကြတယ်။ အဲ့ကလေးတွေအထဲမှာမှ အတက်ကြွဆုံးက ကျွန်မ။ မိဘတွေအားလုံးက ကျွန်မကို ကလေးခေါင်းသူကြီးလို့ခေါ်ကြတယ်။ ကျွန်မတို့အဖွဲ့ထဲမှာ လေးနှစ်သမီးကစလို့ အရွယ်စုံရှိတယ်။ ထုပ်စီးတိုး၊ ခြေတစ်ပေါင်းကျိုး၊ ရုပ်ရှင်ဖွက်တမ်း၊ တီထိုးတာ စသဖြင့် လူစုနဲ့ ကစားလို့ရသမျှအကုန်ကစားတယ်။ ချော်တွေလဲကြ.. တစ်ခါ တလေများဆို ဒူးပြဲတာ အရိုးတောင် ပေါ်တယ်။ တခါတလေ ဇာတ်လမ်းလဲပြန်မကြည့်ကြဘူး။ မိဘတွေလာမခေါ်ကြမချင်း အရိုက်အနှက်ခံ ကစားကြတယ်။

ကျွန်မတိ်ု့အိမ်လေးက လမ်းမကြီးက ချိုးဝင်၊ နည်းနည်းထပ်လျှောက်ပြီး ဘယ်ဘက်ကို ချိုးဝင်တဲ့ လမ်းလေးရဲ့ ထိပ်မှာ။ ညာဘက်မှာက ရေစင်ကြီး။ အဲ့ဒီရေစင်ကြီးက လေးထပ်ရှိတယ်.. တစ်ထပ်ကို ၁၀ပေလောက် အမြင့်ရှိတယ်။ အပေါ်ဆုံးမှာမှ ရေကန်ကြီးအကြီးကြီးတင်ထားတာမျိုး။ လေးထပ်လုံးက လှေခါးနဲ့ အင်္ဂတေတိုင်တွေတန်းတွေကလွဲလို့ အရှင်း။ တန်းတွေက တစ်ပေလောက်အကျယ်ပဲရှိတယ်။ နေ့ဘက်ဆို ကျွန်မတို့အဲ့ပေလေးဆယ်လောက်မြင့်တဲ့ တန်းတွေပေါ် ပြေးတမ်းလိုက်တမ်းကစားကြတာ ပြုတ်ကျတယ်ဆိုတာ မရှိဘူး။ ညဘက်များတော့ ယောင်္ကျားလေးတွေတော့ တခါတလေ ဂီတာတက်တီးတက်တယ်။ ကျွန်မကတော့ ညဘက်ဆိုအဲ့ပေါ်ယောင်လို့တောင် မော့မကြည့်ရဲဘူး.. မှောင်မှောင်မဲမဲနဲ့ သရဲကြီး ငုတ်တုတ်ထိုင်နေသလိုပဲ။ ပိုဆိုးတာ ကျွန်မအခန်းလေးက အိမ်ရဲ့ညာဘက်ဆိုတော့ ပြုတင်းပေါက်ကနေ မကြည့်ချင်လဲ မြင်နေရတာမျိုး။

.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'

အဲဒီနေ့ညက ကစားပြီးလူစုလဲခွဲရော ကျွန်မနဲ့ တစ်လမ်းထဲ နေတဲ့ သူငယ်ချင်းရယ်၊ ကျွန်မကစားတာကို လိုက်စောင့်ပေးတဲ့ ကျွန်မ အမ၀မ်းကွဲရယ် သုံးယောက်။ လမ်းမကြီးကနေ ချိုးကွေ့လိုက်တာနဲ့ ကျွန်မအမက စပ်စပ်စုစု ရေစင်ကြီးပေါ်မော့ကြည့်ပြီးပြောတယ်။

"ရေစင်ပေါ်မှာ ခေါင်းတိုင်ကြီး ရှိတာတောင် သတိမထားမိဘူး"

"ဟယ် နဂိုထဲကကို မရှိတာ... ညနေကတောင်မရှိဘူး တပ်လိုက်တာထင်တယ်"

ကျွန်မအမ ပြောတာကို ကျွန်မလဲ ရေရေရာရာ မဖြေနိုင်။ ကျွန်မသူငယ်ချင်းကလဲ သူလဲမတွေ့မိဘူးတဲ့။ ဒါကြီး ဘယ်လိုရောက်လာလဲ မသိ။ ကျွန်မတို့မြင်နေရတာက ရေစင်ကြီးရဲ့ ဟိုးအပေါ်ဆုံးကန်ကြီးပေါ်မှာ ခေါင်းတိုင်ရှည်ရှည်ကြီး မဲမဲကြီးတစ်ခု။ လက မသာတသာဆိုတော့ ၀ိုးတိုးဝါးတား။

ကျွန်မတို့ကြောင်ကြည့်နေကြတုန်း အဲ့ခေါင်းတိုင်ရှည်ရှည်ကြီးက တစ်ဖြေးဖြေးရွေ့လာတယ်။ ကျွန်မတို့ အဲ့ချိန်အထိ ကြောင်ကြည့်နေကြတုန်းပဲ.။ အဲ့အချိန်မှာ ခေါင်းတိုင်ကြီးက အရှေ့ကို သိသိသာသာပိုတိုးလာတယ်.။ ဒါတင်မကသေးဘူး။ ရှည်ရှည်ကြီးဖြစ်နေရာကနေ ပုတိုဝင်သွားပြီး သူ့ဘေးနှစ်ဘက်ကနေ အတောင်ကြီးတွေလို ဖြန့်ထွက်လာတယ်။ အဲ့နောက်ကျွန်မတို့လဲ ဘာမှမသိတော့ဘူး။ နာမည်ပေါင်းစုံအော်ပြီးပြေးကြတာ။ အမက အဲ့တုန်းက ၃၀လောက်ရှိပြီ။ သူလဲကျွန်မနာမည်ကိုအော်အော်ပြီး ပြေးတာ။ ကျွန်မသူငယ်ချင်းကလဲ လူကောင်ကခပ်သေးသေး။ လုံးနေတာပဲပြေးတာ။ ကျွန်မတို့အတွေးထဲမှာ အဲဒီဘာမှန်းမသိတာကြီးက ပျံဆင်းလာပြီး ဂုတ်ခွစီးပြီး ဂုတ်ချိုးလိုက်မှာပဲဆိုတဲ့ တူညီတဲ့ အတွေးတွေ။

ကျွန်မတို့လဲ ဘယ်လိုက ဘယ်လို မပြန်ကြသေးတဲ့ ကစားဖော်တွေဆီရောက်သွားလဲမသိဘူး။ နောက်သူတို့တို့တွေနဲ့ အတူတူ တခြားလမ်းကပတ်ပြီး အိမ်ကို ပြန်လာကြပြီး လူကြီးတွေကိုပြော။ ဒဂယ်က ကျွန်မတို့ အာပြဲတွေနဲ့ အော်ပြီးပြေးကြထဲက ပက်ဝန်းကျင် အိမ်တွေအကုန်က ကြားလို့လူတွေက လမ်းပေါ်တွေရောက်နေကြပြီ။ နောက် အဖေရော အကိုတွေရော ပတ်ဝန်းကျင်ကလူတွေရော ရေစင်ပေါ်ရော အနီးဝန်းကျင်ရော ရှာကြတာလဲ ဘာမှလဲ မတွေ့ကြဘူး.။ ကျွန်မတို့လဲ ငိုကြတာ။ ကျွန်မမှာတော့ ကြောက်လွန်းလို့ အသားတွေတောင် တစ်ဆက်ဆက်တုန်လို့။ ဒါကို အဖေက ဆူချင်သေးတယ်။ ကျွန်မ အမှားဘာပါလို့လဲ။ အိမ်မှာလဲ လူတွေကို စည်နေလိုက်တာ နည်းတာမဟုတ်ဘူး။ အချိန်က ည၁၀နာရီ၊ လရောင်ကအရမ်းသာနေပေမဲ့လဲ လက်နှိပ်ဓါတ်မီးတွေ တ၀င်းဝင်းနဲ့ အိမ်ပတ်ချာလည်မှာ ရှာနေကြတာ။ ဒါပေမဲ့ဘာမှမတွေ့ကြဘူး။

အဲဒီနောက်နေ့ကစပြီး ကျွန်မအခန်းထဲလဲ မအိပ်ရဲတော့ဘူး။ အဖေ့အခန်းထဲသွားအိပ်တယ်။ အဖေကတော့ စိတ်တွေတိုလို့။ စက်ရုံထဲမှာ ဆိုးပါတယ် ပေပါတယ် ဆိုတဲ့လူတွေ အရက်သမားတွေတောင် လမ်းအစကနေ စဆဲလာတာ အိမ်ပေါက်စီ စက်ရုံမှုးတောင်မကျန်ဘူး။ နာမည်တပ်ပြီးဆဲလာတာ။ ကျွန်မတို့ အိမ်ရှေ့ရောက်တာနဲ့ စက်ပိတ်လိုက်သလို တိကနဲရပ်သွားတာ အိမ်ကနေကျော်သွားမှ နောက်တစ်အိမ်ကို ဆက်ဆဲတယ်။ အခုဒီရေစင်ပေါ်က ဘာမှန်းမသိတာနဲ့ကျမှ သူ့မှာဘာလုပ်ရမှန်းလဲ မသိတော့ဘူး။

.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'

နောက် တစ်ပတ်လောက်ကြာမှ ကျွန်မအကိုတွေ အိမ်ကိုရီမောပြီး ပြန်လာကြတယ်။ ပြီးတော့ ကျွန်မကို ရီကြတာဆိုတာ။ ဘယ်ဟုတ်မလဲ။ အဲ့ခေါင်းတိုင်ကြီးဟာလေ။ ကျွန်မတို့ အိမ် ၂အိမ်ကျော်လောက်က အကိုကြီး။ သူက ပိန်ပိန်ရှည်ရှည်ကြီး။ သူ့ဟာသူ ရေစင်ပေါ်တက်နေတုန်း ကျွန်မတို့သုံးယောက် လာနေတာကိုမြင်လို့ကြည့်နေတုန်း ကျွန်မတို့ကလဲ ဓါတ်တိုင်အောက်ရောက်နေတာဆိုတော့ အပေါ်ကနေ သူက အကုန်မြင်နေရတယ်.. နောက်ပြီး သူ့ဟာသူ ရှေ့ကိုဆက်လျှောက်လိုက်ပြီး အကျီင်္ကို ရင်ဘက် ဆွဲဖွင့်ပြီး တံတွေးထွေးလိုက်တာတဲ့။ ကျွန်မတို့ မျက်စိထဲတော့ သူက အတောင်ပံကြီးဖြန့်လိုက်ပြီး ပုဝင်သွားတာပေါ့။ သူလဲ ကျွန်မတို့ ဖနောင့်နဲ့တင်ပါးတစ်သားထဲကျအောင်ပြေးတာ မြင်တော့မှ ရီလိုက်တာဆိုတာ ထိမ်းမရဘူးတဲ့။ နောက်လူတွေလိုက်ရှာကြတော့ သူက အုတ်ဘောင်လေးနဲ့ကွယ်ပြီး လှဲအိပ်နေလိုက်တော့ လူတွေက မတွေ့လိုက်တာတဲ့။

အဲဒါလဲသိရော ကျွန်မတို့တွေလဲ ရှက်လိုက်ကြတာ၊ စိတ်တွေလဲ တိုလိုက်ကြတာ။ သူကရော ဘာကိစ္စ တံတွေးထွေးတာ ကောင်းကောင်းမထွေးပဲ အကျီင်္က ဖြန့်လိုက်ရသေးတာလဲ.။ တစ်ကထဲမှ။ ကျွန်မလဲ နောက်ရက်တွေ ကိုယ့်အခန်းကိုယ်ပြန်အိပ်။ ကျွန်မ အမလဲ ရှက်လွန်းလို့ဆိုပြီး ရွာပြန်သွားတဲ့အထိပဲ.။ ကဲ။ အဲ့ခေါင်းတိုင်သရဲကြီးဟာလေ။
.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'.'

ပျော်ရာမှာသာ

နင်က ငါ့နားခိုရာ မိုးကောင်းကင်ကြီးပါ။
ဒါပေမဲ့ နင့်ရဲ့ အညှိးတကြီးမိုးတွေကနေ ကာကွယ်ပေးမဲ့ ထီးကလေးရှိလာတဲ့အခါ။

နင်က ငါမှီတွယ်ရာ ကမ္ဘာမြေပြင်ကြီးပါ။
ဒါပေမဲ့ နင့်ရဲ့ ကြမ်းတမ်းမာကြောတဲ့ ဆူးငြောင့်ခြိုင့်ခလုတ်တွေကနေ ကာကွယ်ပေးမဲ့ ဖိနပ်လေး ရှိလာတဲ့အခါ။

နင်ဟာ ငါအပန်းဖြေစရာ ပင်လယ်ပြင်ကြီးပါ။
ဒါပေမဲ့ နင့်ရဲ့ ရက်စက်တဲ့ လှိုင်းလုံးတွေအောက်နစ်မြုပ်မသွားအောင် ကာကွယ်ပေးမဲ့ လှေငယ်လေး ရှိလာတဲ့အခါ။

နင်ဟာ ငါအသက်ရှုရှင်သန်ရာ လေထုကြီးပါ။
ဒါပေမဲ့ နင့်ရဲ့ မာန်ဟုန်ပြင်းပြင်း လေမုန်တိုင်းဒါဏ်က ကာကွယ်ပေးမဲ့ တံတိုင်းငယ်လေးရှိလာတဲ့အခါ။

ငါလေ.......
နင့်ရဲ မိုးတွေ အက်စစ်ဖြစ်နေပါစေ ငါမြိုချမိမှာပါ။

ငါလေ......
ဆူးငြောင့်ခလုတ်တွေပေါ်ပဲ နှစ်ခြိုက်စွာ အိပ်မောကျချင်တာပါ။

ငါလေ......
နင့်လှိုင်းလုံးတွေကြား ကူးလူးပျော်ရွှင်နိုင်တဲ့ ရေသူမလေးပဲ ဖြစ်ချင်တယ်။

ငါလေ......
နင်လေနှင်ရာ လွင့်နေမဲ့ ရွက်ဝါကလေးပဲ ဖြစ်ခွင့်ရမယ်ဆိုလေ။

ငါလေ......
ငါ နင့်တစ်ယောက်သာ ထာဝရချစ်ချင်တာပါ။။

ကျွန်မနဲ့ ယောင်္ကျားနဲ့မိန်းမ

ကျွန်မက မိန်းမ၀ါဒီတစ်ယောက်လည်းမဟုတ်ပါဘူး.. မိန်းကလေးမှကောင်းတယ်.. မိန်းကလေးမှမှန်တယ်ဆိုတဲ့ အတင်းကန့်လန့်တိုက် တွေးခေါ်နေတဲ့ သူတစ်ယောက်လဲ မဟုတ်ပါဘူး.. ကျွန်မအယူအဆအနေနဲ့ ယောင်္ကျား မိန်းမဆိုတဲ့ Gender ၂ခုထဲ (ထိုင်းက third gender တွေကတော့ ချွင်းချက်ပေါ့လေ) ကြည့်ပြီးမဆုံးဖြတ်တက်ဘူး.. အားလုံးဟာ လူတစ်ဦးချင်းဆီနဲ့ပဲ ဆိုင်တယ် ထင်တာပဲ... ကွန်မ ဗုဒ္ဓမြတ်စွာဘုရားကို ကိုးကွယ်ပါတယ်.. ကျွန်မ အဖေ့ကို သိပ်ချစ်ပါတယ်..ကျွန်မမှာ ယောင်္ကျားလေးသူငယ်ချင်းအလွန်များပါတယ်.. ဒါပေမဲ့ ပက်ဝန်းကျင်ရဲ့ ယောင်္ကျားမိန်းမ အပေါ်မှာ ခွဲခြားထားတဲ့ သဘောတရားတွေကတော့ ကွန်မကို အတော်စိတ်ပျက်စေတယ်။

ယောင်္ကျားလေးပြောတော့သတင်း ... မိန်းကလေးပြောတော့အတင်း။
ယောင်္ကျားလေး ဆေးလိပ်အရက်သောက်တော့ အလုပ်ပင်ပန်းလို့ ... မိန်းကလေးသောက်တော့ မိန်းမပျက်။
ယောင်္ကျားလေးဆိုးတော့ သားယောင်္ကျားလေးပဲ မထူးဆန်းပါဘူး ... မိန်းကလေးဆိုးတော့ မိန်းမတန်မဲ့အေ။
ယောင်္ကျားလေး ပိုက်ဆံဖြုန်းတော့ အပေါင်းအသင်းနဲ့ဆုံတော့လဲ ... မိန်းကလေးသုံးတော့ စီစီစစ်စစ်မရှိဘူး။
ထားလိုက်ပါ။ ဒါတွေကတော့ အဓိက မြန်မာပြည်ကလူတွေ သက်မှတ်တာတွေ။ ဆိုးတာက အိမ်ထောင်ရေးလောကမှာ ဒါမျိုးအတွေးအခေါ်တွေကို ဆွဲယူလာတက်တာ သိပ်ဆိုးတာပဲ။ ခုခေတ်ကြီးမှာ အိမ်ထောင်သည်မိန်းမလို့ဖြစ်လာရင် မိသားစု တာဝန်ကို တစ်ဖက်တစ်လမ်းက ကူညီတဲ့အနေနဲ့ အလုပ်ထွက်လုပ်ကြရတယ်။ မောင်တစ်ထမ်းမယ်တစ်ရွက်ပေါ့လေ။ ဟော ပိုက်ဆံရှာတော့ မောင်တစ်ထမ်းမယ်တစ်ရွက်၊ အိမ်အလုပ်လဲကျရော ဒါမိန်းမအလုပ်တဲ့။ ကလေးထိမ်းဖို့လဲ မိန်းမအလုပ်။ ကြားထဲက သူတို့ကို ပြုစုရသေး။ ဒါကျတော့ မောင်က ၀င်မထမ်းတော့ဘူးလား..။ မိန်းမက အလုပ်က ပင်ပင်ပန်းပန်းပြန်လာ အိမ်ရောက်တာနဲ့ ကလေးထိမ်း.. အ၀တ်လျှော် .. ထမင်းဟင်းချက်.. ယောင်္ကျားကျတော့ ယောင်္ကျားသဘာဝ အိမ်ရှေ့ခန့်ခန့်ကြီးစာအုပ်ထိုင်ဖတ်ရင်ဖတ် မဟုတ်ရင် လဘက်ရည်ဆိုင် အရက်ဆိုင်သွား။ ဒါတောင် ပိုက်ဆံရှာတာပဲ ကျေးဇူးတင်ရဦးမလိုလို။ တချို့ယောင်္ကျားတွေကျတော့ ပိုက်ဆံလဲမရှာ အိမ်အလုပ်ကျတော့လဲ မိန်းမအလုပ်ပဲ..။ နိုင်ငံရေးတွေပြောပြီး ဟေးလားဝါးလား လူတွင်ကျယ်လုပ်။ ကိုယ့်ကိုကိုယ်ဟုတ်လှပြီထင်နေကြတယ်..။ ဘယ်လောက်ပဲဟန်ဆောင်ကောင်းကောင်း မိန်းမလုပ်စာထိုင်စားနေတဲ့ ယောင်္ကျား ဘယ်သူမှအထင်မကြီးဘူး။

နောက်တစ်ခုက ကျွန်မဖတ်ဖူးတဲ့ မဂ္ဂဇင်းတစ်အုပ်ထဲမှာ အဲဒီလူကကုန်တင်ကားမောင်းတယ်။ အဝေးပြေးကားဆိုတော့ အိမ်က ထွက်ပြီဆို ၂ပတ်လောက်ကြာတက်တယ်.။ နောက်တစ်ယောက်က ရယ်စရာတို့ သောကြာမဂ္ဂဇင်းတို့မှာ သဘောင်္သားအတွေ့အကြုံတွေရေးတဲ့ သင်္ဘောသားအငြိမ်းစား စာရေးဆရာတစ်ယောက်။ သဘောင်္သားဆိုတော့ ပိုဆိုးတာပေါ့။ နှစ်နဲ့ချီကြာတက်တာ။ ဟော.. အဲဒီမှာပဲ အဲ့ဆရာနှစ်ယောက်လုံးဟာ ယောင်္ကျားလေးဆိုတာ လိုအပ်တယ်ဆိုတဲ့ အကြောင်းပြချက်နဲ့ မိန်းမတကာနဲ့ ရှုပ်ပါတယ်။ ဒါတွေကို သူတို့ကိုယ်တိုင်ကို လူတကာဖတ်တဲ့ မဂ္ဂဇင်းထဲ ဂုဏ်ယူဝံ့ကြွားစွာရေးထားတာပါ။ အိမ်ကမိန်းမကတော့ သူ့ယောင်္ကျားရေးတာတွေပဲ မဖတ်တာလား။ ကြောက်လို့ပဲ ညိမ်ခံနေကြသလားတော့မသိဘူး။ ကျွန်မပြောချင်တာက လူနှစ်ယောက်ခွဲနေကြရပြီဆို တစ်ယောက်ပဲဝေးတာလား.. ကျန်ခဲ့တဲ့သူလဲ ဝေးတာပဲ။ သူတို့လိုပဲ မိန်းမတွေသာ နေခဲ့ရင် လောကမှာ လူသတ်မှုတွေကို တန်းစီနေမှာပဲ။ သင်္ဘေားသားမိန်းမတွေ ဖောက်ပြန်တဲ့စာမျိုးတွေ ခဏခဏဖတ်ဖူးတယ်။ အဲ့သင်္ဘေားသားတွေကျတော့ရော ဖောက်ပြန်တယ်လို့မခေါ်ဘူးလား(သင်္ဘောသားတိုင်းကိုမဆိုလိုပါ)။

ကျွန်မတလောက အမေနဲ့ အမေ့သူငယ်ချင်းတစ်ယောက်ကို လေဆိပ်လိုက်ပို့တယ်။ သူ့ယောင်္ကျားနဲ့ ကလေးတွေလဲ ပါတယ်။ အဲ့ဒီအန်တီတစ်ယောက်ပဲ ပြန်တာပါ။ ၀ိတ်တွေချိန်ဖို့လဲ ဖြစ်လာရော ထရော်လီပေါ်ကနေ မိန်းမကအတင်းမနိုင်မနင်းတစ်ယောက်တည်းဆွဲချပြီး ချိန်။ တင်တော့လဲ ထိုနည်းလည်းကောင်း။ အမေတို့ကပဲ မနေနိုင်လို့ဝင်လုပ်ပေးရတယ်။ သူ့ယောင်္ကျားကတော့ ဘေးမှာ မိန့်မိန့်ကြီးလက်ပိုက်ပြီး ရပ်ကြည့်နေတယ်။ တုတ်တုတ်တောင် မလှုပ်ဘူး.။ ကျွန်မကလဲ အဲ့ချိန်အနားမရှိတော့ အမေနဲ့ အမေ့သူငယ်ချင်းတစ်ယောက်က ပြန်ပြောပြတာပါ.။ သူ့ယောင်္ကျားသာ အဲလိုလုပ်လို့ကတော့ အမှုံ့ကြိတ်ပလိုက်မယ်တဲ့။

အဓိကကတော့ လူတစ်ဦးချင်းဆီကြည့်လို့ ဒီလူစိတ်ထားကောင်းတယ်ဆိုရင်တောင် ယောက်ျားမိန်းမ ခွဲခြားချက်တွေထဲက ရုန်းမထွက်နိုင်သမျှ ဒီလူဟာ ယောင်္ကျားကောင်းမဖြစ်နိုင်ပါဘူး။ တစ်ခါတလေ ယောင်္ကျားတွေ သိသင့်တယ် ထင်တယ်.။ သူတို့အလုပ်လုပ်တာက တစ်ရက်မှာ ၈နာရီ.။ အလွန်ဆုံး ၁၂ နာရီ။ မိန်းမတွေမှာတော့ တစ်ရက်ကို ၂၅ နာရီလောက် လုပ်နေရတယ်လို့များပြောရင် ဒါပဲ မိန်းမတွေ ကိုယ့်ဘက်ကိုယ်ယက်တက်တာလဲ မိန်းမတွေလို့များ ပြန်ပြောမလားမသိဘူး။

ကျွန်မ ကြောက်တက်လာပြီ

ကျွန်မတို့ငယ်ငယ်တုန်းက တပ်မတော်သားကြီးတွေနဲ့ ရန်ဖြစ်ဖူးတယ်။ ရှိလှမှ ကျွန်မ အသက် ၇နှစ်ပေါ့။ ကျွန်မတို့ ကျောင်းနဲ့ စစ်တပ်ဝန်းက ကပ်ရက်။ အလယ်မှာ ခြံစည်းရိုးတော့ ၂ထပ်ကာထားတယ်ထင်ရဲ့။ စစ်တပ်ဝန်းထဲမှာ ဇီးချိုသီးပင်တွေ တော်တော်များများကိုရှိတယ်။ ခြံစည်းရိုးက ၂ထပ်ဆိုပေမဲ့ သံဆူးကြိုးတွေနဲ့ ကာထားတာဆိုတော့ ကျွန်မတို့ ကိုယ်လုံးသေးသေးလေးတွေအတွက်တော့ အေးအေးဆေးဆေး ၀င်ထွက်နိုင်တယ်။ နေ့လည်ခင်း ထမင်းစားချိန်ဆို ကျွန်မတို့တွေအဖွဲ့လိုက်ကြီး စပ်တပ်ဝန်းထဲခိုးခိုးဝင်ပြီး ဇီးသီးတွေကောက်ကြတယ်။ တစ်ခါတလေ စစ်သားကြီးတွေက တွေ့ပေမဲ့ မမြင်သလိုပဲ နေပေးကြပါတယ်။ မမှားဘူးဆို အဲ့နားက စစ်တပ်အိမ်သာတွေ ရှိတဲ့ဘက်နားပဲ။

တစ်ရက်တော့ ကျွန်မတို့ ဇီးသီးတွေအလုအယက်ကောက်နေကြတုန်း စစ်သားသုံးလေးယောက်ရောက်လာပြီး ကျွန်မတို့ကို အော်တော့တာပဲ။ ကျွန်မတို့ကလဲ ကိုယ်ကလဲ မှားသေး။ အပြောတော့မခံဘူးဆိုတာမျိုး။ လူတွေကဖြင့် စစ်သားကြီးတွေ ခါးလောက် ရှိတယ်။ သူတို့ တစ်ခွန်းနှစ်ခွန်းပဲ ပြောရသေး။ ကျွန်မတို့ပြန်အော်တာ သူတို့ ဘာမှကို ပြန်ပြောချိန်မရလိုက်ဘူး။ပြီးတော့ ပြေးကြတာ ခြံစည်းရိုးနဲ့ စကပ်တွေလဲညိပြီးပြဲ။ ဖီးသီးတွေကတော့ တစ်လုံးမှ မကျကျန်စေရဘူး။ အဲ့လောက် အစားမက်ကြတာ။ ကျောင်းဆင်းချိန်လဲကျရော ကျွန်မတို့ ဇီးသီးခိုးကောက်တဲ့ လက်လေးတွေ ဘယ်နှချက်လဲ မသိရိုက်ခံကြရပါတယ်။ စစ်တပ်က ကျောင်းအုပ်ကြီးကို လာတိုင်လို့တဲ့။ ဒါလဲ ပျော်ပျော်ပါပဲ။ ရိုက်ရိုက်ပေါ့။ တစ်ပြိုင်ထဲတော့ ကတိပေးကြတာပဲ နောက် မလုပ်တော့ပါဘူးလို့။

အဲ.. ညနေကျတော့မှ။ အဲဒီမှာ စတွေ့တော့တာပဲ။ အိမ်ပေါ်လဲတက်ရော စစ်သားကြီး(ဘိုကြီးတွေလား မမှတ်မိတော့) ၃ယောက်လား လေးယောက်လားမသိ။ အိမ်ပေါ်မှာ ငုတ်တုတ်။ အဲ... ထိုင်ခုံတွေပေါ် ထိုင်နေတာပါ။နေ့လည်က ကျွန်မတို့ကို အော်တဲ့ စစ်သားကြီးတွေလဲ ပါရဲ့။ ဇီးသီးဝင်ကောက်တာ ဒီစက်ရုံထဲက ကလေးတွေမှန်း ကျောင်းအုပ်ကြီးဆီကနေ သိလိုက်ရလို့တဲ့လေ။ ကျွန်မတော့ ဂရုတောင် မစိုက်ဘူး။ ကော့ကော့ ကော့ကော့နဲ့ အိမ်ထဲဝင်သွားလိုက်တယ်။ အဖေရှိတယ်လေ။ အဖေရှိရင် ကျွန်မ ဘာမှမကြောက်ဘူး။ စစ်သားကြီးတွေက စက်ရုံကိုလာတိုင်တော့ အဖေ့ကို လာတိုင်ကြတာကိုး။ အဲ့ကျမှ သူတို့လာတိုင်တဲ့ကလေးက အဖေ့သမီးမှန်းသိကြတယ်တဲ့။ အဲ့တော့လဲ သူတို့က စစ်တပ်ဆိုတာ အန္တရာယ်များလို့ ကလေးတွေအတွက်စိုးရိမ်လို့ သတိပေးရတာပေါ့။ အဖေ့ကိုလဲ ဆရာချင်းထပ်အောင် ခေါ်သွားကြသေး။

အဲ့တုန်းက ဗိုလ်ကြီးတစ်ယောက်ဟာ အင်ဂျင်နီယာအရာရှိတစ်ယောက်ကို မကြောက်တောင် ရိုသေသမှုရှိတယ်။ လေးစားစိတ်ရှိတယ်။

နောက်ပိုင်းမှာတော့ မြို့ကြီးပြကြီးဆိုတဲ့ ပျော်စရာနတ္တိနေရာတွေကို ကျွန်မတို့ အခြေချနေထိုင်လာတဲ့ အချိန်တွေမှာတော့ အဖေဟာလဲ ဘာမဟုတ်တဲ့ ဗိုလ်(တိတိကျကျပြောရရင်တော့ ဗိုပြုတ်)ဆိုတဲ့ ခြေပြတ်တစ်ယောက်ရဲ့ တိုက်ခိုက်မှုကို အလူးအလဲ ခံခဲ့ရဖူးတယ်။ ကျွန်မတို့လဲ ဗိုလ်ကြီးတွေ သေနတ်ကြီးတွေနဲ့ ယူနီဖောင်းနဲ့ လူတွေတွေ့ရင် ခေါင်းလေးငဲ့ပြီး ရင်တဒိန်းဒိန်းနဲ့ မသိချင်ယောင်ဆောင်ခဲ့ရတယ်။ နိုင်ငံတော် အကြီးအကဲဆိုတဲ့လူကြီး ကျောင်းကိုလာတော့လဲ မချစ်သော်လဲ အောင့်ခါနမ်း မအော်မနေရ "ဘဘဗိုလ်ချုပ်ကြီး ဘလာဘလာ ကျမ်းမာပါစေ ချမ်းသာပါစေ " ဆိုတာမျိုး လည်ပင်းကွဲအောင် လေ့ကျင့်အော်ခဲ့ရဖူးတယ်။ (ကံကောင်းချင်တော့ နောက်ဆုံး ၀တ်စုံပြည့်လေ့ကျင့်တဲ့နေ့ပဲ ကွင်းထဲ ကျွန်မမူးလဲလို့ တကယ်လာတဲ့နေ့မှာ မအော်လိုက်ရတော့ဘူး)။

ခု နှစ်ဆယ်ရာစု နောက်များ ခေတ်မှာတော့ ကျွန်မတို့ စစ်ဗိုလ်ကြီးတွေ မပြောနဲ့ စစ်သားပေါက်စလေးတွေကိုတောင် ရဲရဲလိုက်ပြူး မကြည့်ရဲတော့ပါဘူး။ ကိုယ်ကတော့ "ငါကွ"ဆိုပြီး ပြူးကြည့်လိုက်တာက ခဏ။ သူတို့က "ဒိန်း" ဆိုဆင်ခြင်မဲ့အရင် ပစ်လိုက်မှ "အား" တောင်မအော်နိုင်ပဲ ရန်တောင် တွေ့ချိန်ရလိုက်မှာ မဟုတ်ဘူး။ ခုဆိုကျွန်မ ကော့ကော့ ကော့ကော့လဲ မလျှောက်ရဲတော့ပါဘူး။ ကျွန်မကြောက်တက်လာပါပြီ။ ကျွန်မကို ကာကွယ်ပေးမဲ့ အဖေလဲ မရှိတော့ပါဘူး။

အဖေ

-ကြယ်ကြွေချိန်ဆုတောင်းတိုင်းသာ ဆုတောင်းပြည့်မယ်ဆိုရင်
မြန်မာပြည်မှာ ထမင်းငတ်သေတဲ့သူတွေ ရှိလာမှာမဟုတ်ဘူး အဖေ။

-ပြည့်ခဲ့ရင်တောင် ဘုရားပေးတဲ့ မျော်လင့်ချက်က မျက်စိတစ်မှိတ်ပါပဲ။
အဲဒီတော့ ကြယ်ကြွေတာ ထိုင်စောင့်နေမဲ့အစား လက်တွေ့ ကျကျရင်ဆိုင်ကြရအောင်လား။

-ကြယ်ကြွေခြင်းဟာ နောင်တပါပဲ အဖေ။ လွန်သွားမှ သိရတာမျိုးလေ။
လွယ်သလို လှုပ်ရှားနေကြပြီး လွန်မှနောင်တရတက်တာ လူ့ သဘာဝမို့ 
ဘယ်သူ့ ကိုမှအပြစ်မပြောရဲသလို ကိုယ်တိုင်လဲ နောင်တ တပွေ့ တပိုက်နဲ့ မို့ ပါ။

-ကျောင်းသွားခါနီးမှ လိုက်နိုးရင်း ၀ီရိယမရှိတဲ့ကလေးတွေလို့ 
အဖေ့ရဲ့ စေတနာအပြည့်နဲ့  စကားသံကို သမီးတို့  နားညည်းခဲ့ဖူးကြပါတယ်။

-ပန်းခင်းတဲ့လမ်းမှာ မလျောက်နိုင်စေခဲ့ပေမဲ့
နင်းလိုက်တိုင်းဖ၀ါးအောက်က အိစက်တဲ့အထိအတွေ့ ဟာ အဖေ့ နှလုံးသားကို ခင်းခဲ့တာဆိုရင်တော့
ဒီနောင်တတစ်ခုနဲ့ တင် သမီးတို့ သေသင့်ပါတယ်။

-အဖေ့ရဲ့ ဂရုစိုက်မှုကိုသာ တရားလွန်ခံယူချင်နေခဲ့ပြီး
အဖေ့စိတ်ချမ်းသာမှုအတွက်ကျတော့ သေနတ်ပစ်တိုင်း ကစားဖို့ လောက်တောင် စိတ်မ၀င်စားခဲ့ပါဘူး။

-အဖေ မစားရက်ပဲ ကြွေးခဲ့တဲ့ အစားအသောက်တွေက အရသာပိုရှိခဲ့ပါတယ်။

-အဖေမသုံးရက်ပဲပေးခဲ့တဲ့ အသုံးအဆောင်တွေက ပိုအသုံးဝင်ခဲ့ပါတယ်။

-အဖေ သိပ်ချစ်တဲ့ သားသမီးတွေက အဖေ့ကိုလဲ သိပ်ချစ်ခဲ့ပါတယ် အဖေ။
ဆိုးဆိုးရွားရွားကြီးကို အဖေ့ခံစားချက်ကို မသိတက်ခဲ့တာတစ်ခုပါပဲ။

-အခုဆိုရင် ကျောင်းမသွားခင် အဖေမထခင်ထပြီး
အဖေ့အတွက် မနက်စာလေးချက်ပေးချင်တယ် အဖေ။

-အဖေ ခြေချရာလမ်းတစ်လျောက်မှာ သမီးတို့ လက်ဖ၀ါးတွေကို ခုခံလို့ 
အဖေ့ နှလုံးသားကို အေးချမ်းစေချင်တယ် အဖေ။

-ဖြစ်နိုင်ရင် သမီးတို့ သိပ်ချစ်တဲ့အဖေ့ဆီက အပြုံးလေးတစ်ခုရဖို့ အရေး
သမီးအရာရာနဲ့ ရင်းပြီး ပေးဆပ်ရဲနေပြီ အဖေ။

-ဒါပေမဲ့...............................................
...............................................................

-ဒါပေမဲ့ သမီးဆုတောင်းဖို့  အသင့်မဖြစ်ခင်မှာပဲ
ကြယ်ကလေးကတော့ မျက်စိရှေ့က ကြွေပျောက်သွားပြီးပါပြီ အဖေ။

အမေနှင့် ဧရာဝတီ

အမိမြေရေ
ဖြစ်ပြီး ပျက်တဲ့ သဘောတရားကို ဝေးတမြေက သက်သေပြလိုက်တာလား
ကျွန်တော့ကိုပဲ စိန်ခေါ်တာလား။
ဘာဆိုဘာမှ မတက်နိုင်တဲ့ ဘ၀မှာ
ကွယ်ရာသွား အသံကောင်းဟစ်တယ်ပဲ အမေပြောမလား။

မျက်ရည်တိုင်းကို မဆည်နိုင်ပေမဲ့
သူများမြေများခံစားပြီးတော့
လက်လှမ်းမှီတဲ့ အမေ့သားသမီးတိုင်းကို စံစားစေချင်တယ် အမေ။
အမေ့ရင်ကို ခြေစုံကန်တာမဟုတ်ရပါဘူး။

လူမဆန်သူတချို့ ရဲ့ အကျည်းတန်တဲ့ ရက်စက်မှုအောက်မှာ
အမေ မကျဆုံးလိုက်ပါနဲ့ ။
အမေ့ အလှတရား သဘာဝအားမာန်များနဲ့ 
ဆက်လက်စိမ်းလန်းနေပေးပါ အမေ။

သနားစရာ ကောင်းတဲ့ လူမမယ်သားသမီးတွေအတွက်
အမေမပျက်သုဉ်းလိုက်ပါနဲ့ ။
ကျွန်တော်တို့  အမေ့ကိုပြန်လည်ကယ်တင်နိုင်မှာပါ..

မြင့်မြတ်လှစွာသော ဘုရားရွှေတိဂုံ၊
ကျွန်တော်တို့ ရဲ့ အသက်သွေး ဧရာဝတီနှင့်တကွ
အမေ့သဘာဝအလှတရားအားလုံး မပျောက်ပျက်စေဖို့ 
ကျွန်တော်တို့  ပြန်လာမှာပါ အမေ
အမေ့ သားသမီးအားလုံး အိမ်ပြန်လာမှာပါ။

ps. ကျွန်မ အမေနှင့်ဧရာဝတီ ကဗျာလေးကိုရေးခဲ့တာ (၁၅.၀၆.၂၀၀၆) လွန်ခဲ့တဲ့ ၂နှစ်ကျော်က။ အသက်သွေး ဧရာဝတီ.. အသက်သွေးတွေနဲ့ အကျည်းတန်သွားခဲ့ရတဲ့ ဧရာဝတီရယ်။

တွေးမိတွေးရာ

ဒီပုံလေးကို ဘယ်သူရဲ့ စိတ်ကူးနဲ့ ဘယ်သူက ပုံဖော်ခဲ့လဲတော့ မသိပါ။ စိတ်ကူးလေးကလဲ ကောင်းပါတယ်။ ဂုဏ်ပြုထိုက်တဲ့သူကို ဂုဏ်ပြုခြင်းပေါ့။ ဒါပေမဲ့ ဒေါ်အောင်ဆန်းစုကြည်ခေတ် ဆိုတာနဲ့ ပြည်သူတွေ ကောင်းစားတော့မယ်ဆိုတဲ့ အသိက ဦးနှောက်ထဲ တန်းပေါ်လာတာပါပဲ။ ဒါပေမဲ့ ဒီပိုက်ဆံပုံအတိုင်းဖြစ်မယ်ဆိုရင်တော့ မလွယ်ဘူးရှင့်။ စစ်အစိုးရခေတ်မှာ ၁၀၀၀ တန်သုံးနေရာက အမေစုတက်မှ ၅၀၀၀ တန်ခေတ်ရောက်ရတော့မယ်ဆိုရင်တော့ ကွန်မတို့ မြန်မာပြည်နောင်ရေးက ရင်လေးစရာပဲ။ ကျွန်မတို့ အရင်လို အကြွေစေ့လေး တွေ ကျပ်စိလေးတွေ ပြန်သုံးရတဲ့ အချိန်မျိုးကို ပြန်သွားကြမယ်လေ။ ကျွန်မတော့ မှီလိုက်သေးတယ်။ ၄တန်းလောက်ထိထင်တယ်။ ကျပ်စေ့လေးတွေ သုံးခွင့်ရလိုက်သေးတယ်။ ဆန်တစ်ပြည် တစ်ကျပ် ၂ကျပ်လောက်ခေတ်ကိုပဲ ပြန်တူးဖော်ရအောင်ရှင်။ ၅၀၀၀ တန်တော့ ကိုင်မသုံးပါရစေနဲ့။ ၁၀၀၀ တန်တောင် ဒီလောက်ခေတ်ပျက်နေတာ။